بسم الله الرحمن الرحيم
السلام عليكم و رحمة الله و بركاته
طبعا من العنوان الموضوع عن نكهة مكرونة الاندومي
أنا بحب طعم المكرونة دي لكن لأن دكتور جهاز هضمي حذرني منها وكمان نسمع انها مضرة جدا أيا كان السبب أنا قررت اني أمنع المكرونة دي نهائيا
قبل كده بحثت علي النت عن طريقة أعملها في البيت تكون نكهتها تكون قريبة من نكهة الاندومي وفعلا لقيت طريقة كانت الأخت كاتبة بهارات كتير وحكاية يعني لكن كان عندي الصبر اني أعملها بالظبط زي ما كانت مكتوبة لكن النتيجة لم تكن مرضية نهائيا وكمان عملتها مرة تانية لكن كانت النتيجة واحدة
طولت عليكم لكن المهم اني بعد فترة كنت بعمل مكرونة لسان عصفور وحطيت عليها شوية بهارات مش كتير لكن كانت النتيجة حلوة جدا و نكهتها قريبة من نكهة اندومي يعني مش هقولكم الطعم بالظبط بس حلوة أوي برده
بعملها مع شوربة مكرونة لسان العصفور أو مع المكرونة الشعرية الصينية المعمولة من القمح أو المعمولة من الأرز
لو هعمل مكرونة لسان عصفور بحط شوية زيت و أحمر مكرونة لسان عصفور فيها وبعدين أحط كمية مية بعد ما تبدأ تغلي شوية أبدأ أحط مرقة دجاج ماجي (فيه ناس بتقول انها مكونات طبيعية وناس تانية لأ ) علي كل حال انا بستعمل مرقة الدجاج أبدأ أحط البهارات دي: فلفل حلو أو فلفل قرنقوطي معلقة صغيرة ( بعمل كمية مكرونة ل 3 أشخاص مثلا ) + فلفل شطة بودرة علي حسب تحبيها حارة أو لأ + كمية صغيرة جدا جدا جدا من الكمون ولو مش عايزة تحطيه براحتك + كمية صغيرة جدا جدا جدا ( يعني زي ما بيقولوا سنتوفة صغيرة) من القرنفل + الملح
في رأيي انه الفلفل الحلو هو اللي بيدي الطعم المميز ده لأن لما كنت بعمل لسان العصفور مع المرقة مش بيدي نفس الطعم أبدا
أنا بعمل فراخ مع المكرونة لسان عصفور أو الشعرية الصينية
بقطع الفراخ مكعبات صغيرة والكمية دي تكفي شخصين تقريبا
وهستعمل المرة دي الشعرية الصينية النوع ده في تركيبته كركم
لكني أفضل النوع العادي من غير كركم
بعد كده هتحطي معلقة زيت في كسرولة أو حلة علي حسب الكمية اللي هتعمليها ولما يقدح الزيت تحطي الفراخ و تحمريها لحد ما يبقه اللون دهبي
الفراخ بعد كده هتنزل ميتها وطي النار وسيبيها تستوي شوية
بعدها بحط عليها مية مغلية وبحط المكرونة الشعرية
وبعدين أحط مرقة الدجاج والبهارات
والصورة دي طبعا متكبرة لان الكميات قليلة بس حبيت أوريكم نسبة البهارات و الملح أد ايه
و بعدين تقلبي كويس علشان المرقة تدوب
متقعديش المكرونة كتير علي النار لما تحسيها استوت اطفي عليها علطول ومتسيبيهاش تشرب مية كتير يعني الأحسن تتقدم للأكل علطول
شكلها حلو ..صح ؟
لو تحبي تحطي أثناء السوا علي النار خضار مش مشكلة لكن أنا بعشقها بالطريقة دي
و بالهنا و الشفا
أنا بعمل فراخ مع المكرونة لسان عصفور أو الشعرية الصينية
بقطع الفراخ مكعبات صغيرة والكمية دي تكفي شخصين تقريبا
بعد كده هتحطي معلقة زيت في كسرولة أو حلة علي حسب الكمية اللي هتعمليها ولما يقدح الزيت تحطي الفراخ و تحمريها لحد ما يبقه اللون دهبي
بعدها بحط عليها مية مغلية وبحط المكرونة الشعرية
وبعدين أحط مرقة الدجاج والبهارات
متقعديش المكرونة كتير علي النار لما تحسيها استوت اطفي عليها علطول ومتسيبيهاش تشرب مية كتير يعني الأحسن تتقدم للأكل علطول
لو تحبي تحطي أثناء السوا علي النار خضار مش مشكلة لكن أنا بعشقها بالطريقة دي
و بالهنا و الشفا
اللي تحب تجرب الطريقة يا ريت تقولي علي النتيجة والطعم
شكرا علي القراءة
أشوفكم علي خير ان شاء الله
و السلام عليكم و رحمة الله و بركاته
0 التعليقات