طاقية تريكو بشكل تضليع سهلة

بسم الله الرحمن الرحيم

السلام عليكم و رحمة الله و بركاته

الطاقية دي سهلة جدا و ان شاء الله تعجبكم

المطلوب معرفته :

كيفية بناء الغرز علي الابر

الغرزة الأمامية

الغرزة الخلفية

كيفية خياطة قطعة صوف

الأدوات :

خيط  مقاس وسط ( مقاس 4 )

ابر تريكو عادية مدببة من ناحية واحدة مقاس 5مم

ابرة تنظيف

مقص

الخطوات :

1- بطريقة لبذيل الطويل قومي ببناء 85 غرزة علي الابر (أو 89 غرزة لو تريدي الطاقية أوسع قليلا)

2- قومي بعمل غرزة أمامية واحدة ثم 2 غرزة خلفية ثم * 2 غرزة أمامية ثم 2 غرزة خلفية **

قومي بتكرار من * الي ** حتي نهاية الصف الأول

3- في الصف التالي قومي بعمل غرزة خلفية واحدة ثم 2 غرزة أمامية ثم * 2 غرزة خلفية ثم 2 غرزة امامية **

قومي بتكرار من * الي ** الي نهاية الصف

كرري في الصفوف التالية الخطوة 2 ثم الخطوة 3 وهكذا حتي تصلي الي الطول المطلوب

4- اتركي كمية كافية من الخيط حوالي 30 سم ثم اقطعي الخيط

5-باستخدام ابرة التنظيف اخرجي الغرز من علي الابر حتي تخرجي كل الغرز ثم شدي الخيط وقومي بالخياطة حتي تغلق الفتحة في أعلي الطاقية

6- قومي بخياطة جانبي الطاقية ثم اقطعي الخيط و أخفي الخيوط

لو عايزة تعملي الطاقية لأي مقاس بمعرفة محيط الرأس أو لو عندك طاقية تانية تقيسي عليها : تقومي بعمل الغرز علي الابرة وبعدين تفرديها وتقيسي علي الطول المطلوب وتكملي عادي

بالتالي ممكن تستعملي أي مقاس خيط و أي مقاس ابر تحبيه 

أنا عملت الطاقية دي لطفلة سنها سنة وكانت 67 غرزة وطلع مقاسها مظبوط لكن ممكن تلبس مقاس أكبر كمان

بالنسبة لطول الطاقية ممكن تعمليها طويلة علشان تتني في الآخر أو تسيبيها بس بالطول العادي

و ده الرابط لفيديو الطاقية علي قناة اليوتيوب:
https://www.youtube.com/watch?v=M2GWoop0_m0

أتمني تكون الطاقية دي عجبتكم

شكرا علي القراءة

و اتفضلوا بزيارة القناة علي اليوتيوب

أشوفكم علي خير ان شاء الله

السلام عليكم و رحمة الله و بركاته