بسم الله الرحمن الرحيم
السلام عليكم و رحمة الله و بركاته
أهلا بكل زائرين المدونة 😃🤗🤗😃
لو عايزة تعملي كعك الأرز الكوري و جربتي الطريقة الأصلية هي صعبة شوية و كمان بتاخد وقت طويل في تحضيرها و طبخها
في قناة كورية علي اليوتيوب لقيت طريقة سهلة أوي جربتها أكتر من مرة و كانت طريقتي المعتمدة علطول و بناتي بيحبوها جدا لأنها طرية أوي و خفيفة
هي أصلا عبارة عن كفتة أرز لكن من غير أي إضافات
دي شكلها بعد الطبخ انتي ممكن تعمليها بالطريقة اللي انتي تحبيها لكن الطريقة الأصلية مختلفة تماما و مكوناتها غير متوفرة عندي أصلا
المقادير :
دقيق أرز علي حسب الرغبة
ماء مغلي علي حسب كمية الدقيق
بالنسبة للدقيق أنا بعمله في البيت و طريقته موجودة كتير جدا علي اليوتيوب
ضع دقيق الأرز في وعاء عميق
ضع عليه كمية من الماء المغلي تدريجيا بحيث يلم العجين بس مش أكتر من كده و يتم التحريك بملعقة خشبية في البداية
و ممكن تعملي الخطوات دي في محضر الطعام هيسهل عليكي أكتر
قم بالعجن حتي تتكون عجينة متماسكة
نقطع جزء من العجين بالشكل الموجود في الصورة و نضع القليل جدا جدا من زيت السمسم و من الممكن عدم وضع زيت
نقوم بفردها بالأصابع حتي تصبح في حجم اصبع تقريبا ثم نقوم بقطع العجينة قطع متساوية حتي تنضج في وقت واحد
قم بغلي ماء علي النار
ضع كعك الأرز علي النار و اتركه علي نار متوسطة لمدة ١٠ دقائق
ضع كعك الأرز في ماء بارد
الطريقة التالية هي أبسط طريقة لعمل الدوكبوكي و أخف طريقة ، جربته قبل كده مع البكلويز و مع اللحمة المفرومة لكن بتكون تقيلة شوية
في طاسة علي النار ضع القليل من الزيت
ضع ثوم أو بصل علي حسب الرغبة لكن أنا بحب الصلصة بثوم فقط
في الخلاط نضرب شوية طماطم ثم نضعها في الطاسة
نتركها حتي تتقل الطماطم شوية و نضع كعك الأرز
نضع القليل من السكر ، صويا صوص ، مرقة دجاج أو خضار ، ملح و فلفل علي حسب الرغبة ، بصل أخضر
و نتركها حتي يخف الصوص
برش عليها جبنة رومي مبشور و بتكون لذيذة جدا و بالهنا و الشفا 🥰🥰😍
أتمني تجربوها هتعجبكم جدا
سلام عليكم و رحمة الله و بركاته
0 التعليقات