خلخال كروشيه بالخطوات المكتوبة و الفيديو

بسم الله الرحمن الرحيم

السلام عليكم ورحمة الله وبركاته

أهلا بكل زوار المدونة

اليوم معايا باترون مترجم لزينة للقدم أو خلخال و ينفع تعمليها زينة لليد و كمان ممكن تناسب الأطفال بتبقه جميلة أوي

ده الفيديو مع الخطوات التفصيلية :

نبدأ بترجمة الباترون علي بركة الله :

الأدوات المطلوبة :

إبرة كروشيه ٢,٥ مم

خيط رفيع جدا مثل خيط التطريز أو الكنافاه

إبرة صوف

خرز ( إضافي )

الخطوات :

الدور الأول :

٦ سلاسل ، غرزة منزلقة في أول سلسلة لتتكون دائرة

الدور الثاني :

غرزة منزلقة داخل الدائرة ، ٣ سلاسل ( تعتبر أول غرزة عمود بلفة ) ، ١٧ غرزة عمود بلفة داخل الدائرة ، غرزة منزلقة في السلسلة الثالثة من الثلاث سلاسل في أول الدور

_ ١٨ غرزة عمود بلفة

الدور الثالث :

* ٤ سلاسل ، اتركي ال ٢ غرزة التالية ، غرزة حشو في الغرزة التالية **

كرر من * الي ** خمس مرات ، ٤ سلاسل ، غرزة منزلقة في مكان غرزة المنزلقة في بداية الدور

_ ٦ فراغات ناتجة عن ال ٤ سلاسل

الدور الرابع :

سلسلة ، غرزة حشو في الفراغ التالي ، ( ٦ سلاسل ، غرزة حشو في الفراغ التالي ) ٥ مرات ، ٦ سلاسل ، غرزة منزلقة في أول غرزة حشو في أول الدور

_ ٦ فراغات

الدور الخامس :

غرزة منزلقة في الفراغ التالي ، ٢ سلسلة ( تعتبر كأول غرزة نصف عمود ) ، غرزة نصف عمود و ٣ غرزة عمود بلفة في نفس الفراغ ، ٤ سلاسل ، ٢ غرزة نصف عمود ، ٣ غرز عمود بلفة في نفس الفراغ ، ٩ غرزة عمود بلفة في الفراغ التالي ، * ( ٢ غرزة نصف عمود ، ٣ غرزة عمود بلفة ، ٤ سلاسل ، ٢ غرزة نصف عمود ، ٣ غرز عمود بلفة ) في الفراغ التالي ، ٩ غرزة حشو في الفراغ التالي **

كرر من * إلي ** حتي نهاية الدور ، غرزة منزلقة في السلسلة الثانية من السلسلتين في أول الدور

الدور السادس :

غرزة حشو في أول غرزة ، ( غرزة حشو ، بيكو ) في الغرزة التالية : ( غرزةالبيكو : ٢ سلسلة ، غرزة منزلقة في غرزة الحشو ) ، غرزة حشو في الغرزة التالية ، ( غرزة حشو ، بيكو ) في الغرزة التالية ، ٤ غرز نصف عمود في الفراغ ، عدد من السلاسل يناسب الإصبع الذي تستخدمه ( عملت ٢٠ سلسلة ) ، ٤ سلاسل في نفس الفراغ ، غرزة حشو في الغرزة التالية ، ( غرزة حشو ، بيكو ) في الغرزة التالية ، غرزة حشو في الغرزة التالية ، ( غرزة حشو ، بيكو ) في الغرزة التالية ، غرزة حشو في الغرزة التالية ، ( ٥ سلاسل ، اترك ٤ غرز ، غرزة حشو في الغرزة التالية ) مرتين ،

* ( غرزة حشو ، بيكو ) في الغرزة التالية ، غرزة حشو ، ( غرزة حشو ، بيكو ) في الغرزة التالية ، غرزة حشو في الغرزة التالية ، ٤ غرز نصف عمود في الفراغ التالي ، قم بعمل عدد من السلاسل حتي تصل إلي الطول المرغوب فيه ( في الفيديو عملت ١٠٠ سلسلة و قدرت ألفه مرتين بس ) ، قم بعمل عقدة ثم اقطع الخيط ، قم بإدخال الخيط في آخر غرزة نصف عمود ، ٤ غرز نصف عمود في نفس الفراغ ، غرزة حشو في الغرزة التالية ، ( غرزة حشو ، بيكو ) في الغرزة التالية ، غرزة حشو في الغرزة التالية ، ( غرزة حشو ، بيكو ) في الغرزة التالية ، غرزة حشو في الغرزة التالية ، [ ٥ سلاسل ، اترك ٤ غرز ، غرزة حشو في الغرزة التالية ] مرتين **

كرر من * الي ** مرة أخري ، غرزة منزلقة في أول غرزة حشو في أول الدور ، اقطع الخيط

طريقة إضافة خرز :

أثناء عمل غرزة البيكو : سلسلة ، خرزة ، سلسلة ، غرزة منزلقة في غرزة الحشو

انتهيت من ترجمة الباترون

بالنسبة للفيديو عندي أنا عملت القطعة بخيط الإيتامين و إبرة مقاس ٢ مم علشان أعملها لبناتي الصغيرين و كان مقاسها مظبوط لكن بالنسبة لطول الخاتم ممكن تلفيه مرتين أو تعملي حسابك من الأول و تعملي مثلا ١٠ سلاسل هتكون كفاية

القطعة التانية عملتها بخيط أتخن شوية و طلعت حجمها أكبر و تنفع اليد أو ممكن للقدم خلخال شكلها حلو لكن طولي في السلاسل بتاعة الحبل اللي بتلفيه علي القدم