بسم الله الرحمن الرحيم
السلام عليكم ورحمة الله وبركاته
أهلا بكم في موضوع جديد علي مدونتي المتواضعة
لاحظت أنه فيه اكتر من حد كان بيدور علي الكوسترات أو قواعد الأكواب علشان كده بإذن الله الفترة الجاية هنزل أكتر من شكل الكوسترات علي بركة الله نبدأ
ده موضوعنا النهاردة
أما بالنسبة للجمال ده بقه فبشتغل علي الفيديو بتاعه اعداد بعد ما خلصت تصوير و بإذن الله ينزل علي الأسبوع الجاي
نرجع تاني الكوستر الأول و نبدأ ترجمة الباترون علي بركة الله
الأدوات المطلوبة :
خيط قطن في سمك الخيوط الصيفية بتاعة اليز
إبرة مقاس ٣,٥ مم
الخطوات :
نبدأ بعمل حلقة سحرية أو ماجيك لوب
الدور الأول :
ترتفع ب ٣ سلاسل ( تعتبر أول غرزة عمود بلفة )
نقوم بعمل ١١ غرزة عمود بلفة داخل الحلقة ثم قم بعمل غرزة منزلقة في السلسلة الثالثة من الثلاث سلاسل التي قمت بعملها في أول الدور ثم قم بقطع الخيط - 12 غرزة عمود بلفة
الدور الثاني :
قم بإضافة اللون الثاني بغرزة منزلقة في أي غرزة من غرز العمود بلفة
قم بعمل ٤ سلاسل ثم في نفس الغرزة قم بعمل ٢ غرزة عمود ب ٢ لفة معا ( موضحة طريقتها في الفيديو )
ملحوظة : الأربع سلاسل مع ٢ غرزة عمود ب ٢ لفة تعتبر أول كلاستر أو ٣ غرز عمود ب ٢ لفة
قم بعمل ٣ سلاسل ثم * في الغرزة التالية قم بعمل ٣ غرزة عمود ب ٢ لفة معا ( كلاستر ) ثم ٣ سلاسل **
كرر من * الي ** حتي نهاية الدور ثم قم بعمل غرزة منزلقة في الفراغ الأول الناتج عن ال ٣ سلاسل ثم اقطع الخيط - ١٢ كلاستر
الدور الثالث :
قم بإضافة الخيط في أي فراغ ناتج عن ٣ سلاسل ثم قم بعمل ٣ سلاسل ثم غرزة عمود بلفة في نفس الفراغ ( تحسب السلاسل مع غرز العمود كأول كلاستر صغير ٢ غرزة عمود بلفة معا ) ثم قم بعمل ٢ سلسلة ثم في نفس الفراغ قم بعمل ٢ غرزة عمود بلفة معا ثم ٢ سلسلة
* قم بعمل ٢ غرزة عمود بلفة معا ثم ٢ سلسلة ثم ٢ غرزة عمود بلفة معا ثم ٢ سلسلة في الفراغ التالي **
كرر من * الي ** حتي نهاية الدور
قم بعمل غرزة منزلقة في أول فراغ ناتج عن ٢ سلسلة
اقطع الخيط - ٢٤ كلاستر صغير
الدور الرابع :
قم بإضافة الخيط في أي فراغ ثم قم بعمل ٣ سلاسل ( تعتبر أول غرزة عمود بلفة ) وفي نفس الفراغ قم بعمل غرزة عمود ثم سلسلة
* ٢ غرزة عمود بلفة في الفراغ التالي ثم سلسلة **
كرر من * الي ** الي نهاية الدور
قم بعمل غرزة منزلقة في السلسلة الثالثة من الثلاث سلاسل في أول الدور ثم اقطع الخيط - ٤٨ غرزة عمود بلفة
الدور الخامس :
قم بادخال الخيط في أي فراغ من الفراغات الناتجة عن السلسلة ثم قم بعمل سلسلة و في نفس الفراغ قم بعمل غرزة حشو ثم ٣ سلاسل و في غرزة الحشو التي قمت بعملها من قليل قم بعمل ٢ غرزة عمود بلفة معا
ثم * ( غرزة حشو ثم ٣ سلاسل ثم ٢ غرزة عمود بلفة معا في غرزة الحشو ) في الفراغ التالي **
كرر من * الي ** الي نهاية الدور
ثم قم بعمل غرزة منزلقة في أول غرزة حشو ثم قم بقطع الخيط
- ٢٤ غرزة بيكو
قم باخفاء الخيوط
فيه اختلافات بسيطة ما بين الباترون و الفيديو
ده رابط الفيديو بالخطوات كاملة
أتمني يعجبكم
متنسوش اشتركوا في القناة و كمان في المدونة هيوصلكم موضوعات تفيدكم إن شاء الله
الي اللقاء في موضوع جديد
0 التعليقات