رقبة تريكو سهلة جدا و سريعة مع الخطوات بالفيديو

بسم الله الرحمن الرحيم

السلام عليكم ورحمة الله وبركاته 

أهلا بكم في موضوع جديد و باترون جديد علي مدونة knitandcrochet 

تقريبا أول حاجة ممكن أي حد بيشتغل كروشيه أو تريكو هي الكوفية لكن اللي جرب يعمل رقبة كروشيه أو تريكو هيعملها تاني لسببين الأول انها بتاخد وقت أقل بكتير من الكوفية و السبب الثاني انها عملية اكتر من الكوفية و علشان كده لما بشوف باترون جديد لرقبة كروشيه أو تريكو بحاول اني انفذه علطول

الرقبة دي بالذات سهلة جدا جدا و سريعة لأنها بتتعمل بخيط سميك

هي بتبقه عبارة عن قطعة واحدة بنخيط جزء منها و الجزء الثاني بنسيبه من غير خياطة بالشكل الواضح في الصورة اللي تحت

بعد كده بنتنيها 

نبدأ بترجمة الباترون :

المقاس :

محيط الرقبة تقريبا ٧١ سم

طول الرقبة ٢٥.٥ سم ( في الفيديو عملتها لحد ٢٨ سم )

الأدوات المستخدمة :

خيط سميك ( في الفيديو استعملت خيط اليز سوبر لانا ماكسي)

ابر تريكو مقاس ٩ كم

ابرة صوف أو تنظيف

ملحوظة :

الرقبة بنشتغلها قطعة واحدة و بعدين نخيطها بتكون دائرة

الخطوات :

نحضر ٥٥ غرزة علي الابر

الدور الأول :

*نقوم بعمل ٢ غرزة أمامية ثم ٢ غرزة خلفية **

نكرر حتي يتبقي 3 غرز فقط :

نقوم بعمل 2 غرزة أمامية ثم آخر غرزة غرزة خلفية

نكرر الدور الأول حتي يتبقي تقريبا 2 متر من الخيط

قم بانهاء الغرز لكن لاتقطع الخيط

التشطيبات :

قم بوضع الخيط في ابرة التنضيف و قم بخياطة الجانبين معا حتي يتبقي 4 انش من الرقبة بدون خياطة ( تقريبا 10 سم ) 

قم باخفاء الخيوط

دي كانت ترجمة الباترون و ده الفيديو علي القناة

الرقبة في الفيديو عملتها تقريبا 28 سم خيطت ١٦ سم و سيبت ١٢سم من غير خياطة

استعملت خيط اليز سوبرلانا ماكسي و ابرة ٧ مم لانه مكانش عندي ابرة ٩ مم لكن الرقبة طلعت ضيقة شوية فالأحسن استعملي ٩ مم

أتمني تكون الرقبة عجبتكم و رجاءا دعم المدونة و القناة بالاعجاب و الاشتراك

في أمان الله

و السلام عليكم و رحمة الله و بركاته