ماسك لتفتيح بشرة الوجه و الجسم

بسم الله الرحمن الرحيم

السلام عليكم و رحمة الله و بركاته

أهلا بحضراتكم

لو كنتوا لسه مشفتوش الموضوع اللي عملته عن الخطوات الأساسية للعناية ببشرة الوجه ده الموضوع

http://knitandcrochet2016.blogspot.com/2017/04/blog-post.html

لو عايزة تعملي أي ماسك لازم يكون وجهك مغسول و نظيف و مش صح خالص انه الماسك اللي هينظف الوجه لان علشان الماسك يكون له مفعول لازم يكون الوجه نظيف

بالتالي هتعملي خطوة تنظيف الوجه بالطريقة اللي قلت عليها في الموضوع أو لو تحبي تغسلي وجهك بالصابون وان كان الصابون بينشف الوجه جدا جدا و أنا بطلت أستعمله من سنة

بعد غسل الوجه تبدأي تعملي الماسك سواءا الماسك اللي هقولكم عليه في الموضوع هنا أو المساكات المغذية اللي بتتباع جاهزة فيه منها أنواع حلوة لأوي

الماسكات دي بصراحة حلوة أوي طبيعية وبتغذي البشرة لكن بالنسبة لانها ماسك استعمال واحد تعتبر غالية علشان كده ماسك من دول مرة واحدة في الأسبوع كفاية

و ان كان المفروض انه يكون مرتين في الأسبوع علشان تحافظي علي بشرتك لكن علي حسب قدرتك الشرائية و الماسكات الطبيعية فيه حاجات منها حلوة أوي أوي خاصة ماسكات اللي بتفتح البشرة ي الماسك ده :

الماسك سهل أوي هتحتاجي :

بياض بيضة

افصلي البياض عن الصفار 

( الصفار ممكن تستعمليه في ماسك لشعرك هقولك عليه في نهاية الموضوع )

ملعقة من النشا

و تخلطي بعد كده كويس

بعد ماتكوني غسلتي وجهك بطريقة صحيحة ضعي الماسك علي الوجه

و اتركيه حتي يجف

ثم اغسلي وجهك بماء فاتر

بعدها ممكن تكملي بالخطوات اللي كانت موجودة في الموضوع اللي هي التونر ثم المرطب

أو ممكن تحطي المرطب علطول سواءا مرطب طبيعي أو نوع تجاري تثقي فيه

الماسك سهل بس نتيجته حلوة و ممكن تستعملي لبن بدل من البيض

الماسك ده ممكن تستعمليه للوجه و للجسم

بالنسبة لماسك صفار البيض 

صفار بيضة

كمية زيت زيتون تكفي لشعرك

ملعقة عسل نحل  أبيض ( مش ضروري أوي )

و تقلبيهم كويس

و بعدين تحطيه علي شعرك لمده 15 - 20 دقيقة وتغسلي بعدها شعرك كويس أوي لحد ما تحسي انه نظف يعني تغسله مرتين بالشامبو

و مش ريحة هتفضل في الشعر

أتمني يكون الموضوع عجبكم 

في أمان الله

و السلام عليكم و رحمة الله و بركاته