باترون مترجم لقبعة تريكو للشعر الهايش سهلة جدا

بسم الله الرحمن الرحيم

السلام عليكم و رحمة الله و بركاته

أهلا بحضراتكم

بصراحة معرفتش أترجم عنوان الباترون بطريقة تانية لأن ده فعلا الاسم باللغة الانجليزية Messy Bun Knit Hat

ما علينا لكن الموضوع عجبني و حبيت أعرضه لحضراتكم

الباترون :

المستوي : 

سهل

الخيط المستخدم :

خيط مقاس 4 وسط
اللون المستخدم في الصورة :

الابر المستخدمة :

ابرة تريكو دائرية 5.5 مم 40 سم

علامة غرز

ابرة صوف

مقاسات الطاقية :

المقاس الصغير : يناسب محيط رأس 46 سم

المقاس الوسط : يناسب محيط رأس 51 سم

المقاس الكبير : يناسب محيط رأس 56 سم

الخطوات :
قومي ببناء 80 غرزة للمقاس الصغير
المقاس الوسط 90 و المقاس الكبير 100
العمل علي الابر الدائرية يكون في شكل دائري و تأكدي أن تكون الغرز غير مقلوبة
قومي بوضع علامة الغرزلتدل علي بداية الدور

الدور الأول ( الوجه الصحيح ) :
قومي بعمل *2 غرزة أمامية ثم 2 غرزة خلفية **
كرري من * الي ** الي نهاية الدور

كرري الدور الأول حتي تصل طول القطعة للمقاسات المختلفة بالترتيب:
4 سم ( 5سم - 5سم ) و ذلك من بداية القطعة

الدور التالي :
قومي بعمل غرز أمامية فقط
كرري هذا الدور حتي تصبح طول القطعة في المقاسات المختلفة بالترتيب :
14 سم ( 15 سم - 15 سم ) من بداية القطعة

تاج الطاقية :
الدور الأول :
* 3 غرزة أمامية ثم 2 غرزة أمامية معا (تنقيص) **
كرري من * الي ** حتي نهاية الدور
- 64 ( 72 - 80 ) غرزة

الدور الثاني :
دور من الغرز الأمامية فقط

الدور الثالث :
* 2 غرزة أمامية ثم 2 غرزة أمامية معا (تنقيص) **
كرري من * الي ** الي نهاية الدور
- 48 ( 54 - 60 ) غرزة

الدور الرابع :
دور من الغرز الأمامية فقط

الدور الخامس :
* 1 غرزة أمامية ثم 2 غرزة أمامية معا (تنقيص) **
كرري من * الي ** حتي نهاية الدور

الدور السادس :
دور من الغرز الأمامية فقط

ثم قومي بانهاء العمل

التشطيبات :
أخفي الخيوط باستخدام ابرة الصوف


أتمني يكون الموضوع عجبكم
في أمان الله
و السلام عليكم و رحمة الله و بركاته