لاصقات الأنف للتخلص من البثور السوداء

بسم الله الرحمن الرحيم
السلام عليكم و رحمة الله و بركاته

أهلا بيكم في مدونتي
اليوم الموضوع عن لاصقات الأنف

الرؤؤس السوداء سببها بيكون عدم تنظيف البشرة بصورة صحيحة و الأنواع  من اسفنجات التنظيف أو أجهزة تنظيف البشرة اللي ذكرتها في موضوع سابق هي الطريقة الوحيدة اللي جابت نتيجة و أنا فعلا جربت ماسكات كتير جدا و كمان مستحضرات للتخلص من البثور السوداء لكن مفيش نتيجة

 في استعمال لاصقات الأنف للتخلص من الرؤوس السوداء

هي بتزود الرؤوس السوداء مش بتنقصها خالص و الأفضل استخدام الخطوات دي لو تحبي تستعمليها بصورة صح

أولا :

غسل الوجه جيدا باستعمال الغسول أو الصابون بأحد الطرق اللي ذكرتها في الموضوع ده في الرابط هنا

ثانيا :

قومي بوضع فوطة دافئة علي منطقة الأنف و المنطقة المجاورة للأنف لفترة من الوقت لتساعد علي فتح المسام أو استخدمي جهاز البخار

ثالثا :

قومي باتباع التعليمات الموضحة علي لاصقات الأنف

رابعا :

بعد الانتهاء من استخدام اللاصقة قومي بتمرير قطعة ثلج لتساعد علي غلق مسام الجلد

فيه بعض الماسكات الموجود فيها ال 3 خطوات السابقة في قطعة ماسك واحدة  و ال 3 أجزاء كل جزء فيهم بيكون ليه وظيفة زي الماسك ده :

القناع ده من توني مولي

سعره تقريبا 25 ريال أو 20 ريال مش فاكرة بصراحة بالظبط

رغم اني مش بحب لاصقات الأنف لكن النوع ده بعد ما استخدمته حسيت انه نظف الأنف وكمان المكان بقه ناعم أكتر

زي الصورة ما موضحة الماسك علي 3 خطوات :

الخطوة الأولي :
لاصقة توضع لتفتح مسام الجلد
الخطوة الثانية :
لاصقة الأنف
الخطوة الثالثة :
لاصقة لتغلق مسام الجلد
و مدة كل لاصقة موضحة خلف القناع
و طبعا الخطوة الأولي قبل كل ده غسل الوجه كويس جدا

أتمني تستفيدوا من الموضوع البسيط ده
أشوفكم علي خير
و السلام عليكم و رحمة الله و بركاته